Hal-hazırda uğurlu fəaliyyət nəticəsində göstərdiyimiz xidmət və təqdim etdiyimiz məhsullarla bərabər şirkətimiz mərmər, oniks və travertin daşlarının topdan və pərakəndə satışı ilə, o cümlədən dekorativ bitkilərin becərilməsi və satışı ilə də məşğul olur. Fəaliyyətimiz ərzində müştəri məmnuniyyəti bizim üçün prioritet olmuşdur.

Yuxarıda göstərilən məhsulların təchiz edilməsi üçün şirkət İtaliya, İspaniya, Hollandiya, Fransa, Portuqaliya, Almaniya, Braziliya, Belarus, Estoniya, Rusiya, Türkiyə, İndoneziya, Çin, Kolumbiya kimi ölkələrdə yerləşən dünyanın aparıcı istehsalçıları ilə uzun illər sıx əməkdaşlıq edir. Belə ki, şirkət 4 qitənin 24 aparıcı ölkəsinin 50-dən çox istehsal şirkəti ilə fəal şəkildə əməkdaşlıq edir.

2012-ci ildə şirkətimiz peşəkar fəaliyyətinə görə Azərbaycanda “Keyfiyyət Rəmzi” nominasiyasında “Uğur Mükafatı” na layiq görülmüşdür.

Qeyd etmək istərdik ki, Lənkəran şəhərində yerləşən təxminən 25 hektar əraziyə malik şirkətimizə məxsus plantasiyada dekorativ ağac və kolların, şitil və çilinglərinin yetişdirilməsi və onların istehsalı həyata keçirilir. Plantasiyada müasir dövrün tələblərinə cavab verən bitki saxlanclarından istifadə olunur. Əsasən Niderland, İtaliya, İspaniya, Türkiyə sortları və yerli sortlardan ibarət olan bu bitkilər yeni texnologiyalar vasitələri ilə yetişdirilir və çoxaldılır. İcra etdiyimiz layihələrdə, habelə şəxsi villaların yaşıllıq işlərində istifadə olunan bitkilərin əksəriyyəti şirkətin öz istehsalı olan bitkilərdir.

Eləcə də, Tutto Bello şirkəti tikintisinə icazə tələb olunan bina və qurğuların tikinti-quraşdırma işlərinə dair lisenziyaya malikdir. Artıq uzun müddətdir ki, şirkətimiz Respublikada əsaslı tikinti, habelə təmir-tikinti, dizayn, layihələndirmə və quraşdırma işləri ilə məşğuldur. Uzun müddətli fəaliyyətimiz dövründə Respublikanın aparıcı dizayn və tikinti şirkətləri, Nazirliklər və İcra orqanları ilə sıx əməkdaşlıq etməkdəyik. Belə ki, ölkəmizdə ən mötəbər layihələrin tikintisində iştirak etmişik və hal-hazırda da bu proseslər davam edir.