Hal-hazırda uğurlu fəaliyyət nəticəsində göstərdiyimiz xidmət və məhsullarla bərabər şirkətimiz mərmər, oniks və travertin daşlarının topdan və pərakəndə satışı ilə, o cümlədən dekorativ bitkilərin becərilməsi və satışı ilə də məşğul olur. Fəaliyyətimiz ərzində müştəri məmnuniyyəti bizim üçün prioritet olmuşdur. Tutto Bello dizayn şirkəti olaraq, müştərilərimizin ehtiyac və istəklərini nəzərə alaraq hər zaman yüksək keyfiyyətli, cəlbedici və münasib qiymətlərlə məhsullar axtarmışıq.

Bununla yanaşı 4 qitənin 24 aparıcı ölkəsindən 50-dən çox istehsal təmir və dizayn şirkəti ilə əməkdaşlığımız vardır və bir neçə şirkətlərin Azərbaycandakı rəsmi distribyutoruyuq. Qlobal ekoloji balansın qorunması məqsədilə şirkətimiz öz partnyorlarını xüsusi qayğı və diqqətlə seçir. Bu aspektdən biz, 2008-ci ildən etibarən ölkənin yaşıllıq ərazilərinin artırılması və meşə zolaqlarının abadlaşdırılması, yaşıllaşdırma xidməti proseslərini korporativ sosial məsuliyyət proqramına daxil edirik.

2012-ci ildə şirkətimiz peşəkar fəaliyyətinə görə Azərbaycanda “Keyfiyyət rəmzi” nominasiyasında “Uğur Mükafatı” na layiq görülmüşdür.

Qeyd etmək istərdik ki, Lənkəran şəhərində yerləşən təxminən 25 hektar əraziyə malik şirkətimizə məxsus plantasiyada dekorativ ağac və kolların, şitil və çilinglərinin yetişdirilməsi, onların istehsalı həyata keçirilir. Plantasiyada müasir dövrün tələblərinə cavab verən bitki saxlanclarından istifadə olunur. Əsasən Niderland, İtaliya, İspaniya, Türkiyə sortları və yerli sortlardan ibarət olan bu bitkilər yeni texnologiyalar vasitələri ilə yetişdirilir və çoxaldılır. İcra etdiyimiz layihələrdə istifadə olunan bitkilərin əksəriyyəti şirkətin öz istehsalı olan bitkilərdir. Bundan əlavə digər layihələr və şəxsi villaların yaşıllıq işlərinin həyata keçiriliməsində də Tutto Bello istehsalı olan bitkilərdən geniş istifadə olunur.

Eləcə də, Tutto Bello MMC təmir şirkəti tikintisinə icazə tələb olunan obyektlərin tikintisinə dair lisenziyaya malikdir. Artıq uzun müddətdir ki, şirkətimiz Respublikada əsaslı tikinti, habelə təmir-tikinti, dizayn, layihələndirmə və quraşdırma işləri ilə məşğuldur. Uzun müddətli fəaliyyətimiz dövründə Respublikanın aparıcı dizayn şirkəti, tikinti şirkətləri, Nazirliklər və İcra orqanları ilə sıx əməkdaşlıq etməkdəyik. Belə ki, ölkəmizdə ən mötəbər layihələrin tikintisində iştirak etmişik və hal-hazırda da bu proseslər davam edir.